Сточарите кои одгледуваат домашни раси на добиток и оваа година ќе можат да поднесуваат барање за дополнителни субвенции. Покрај биволите и говедата од расата Буша, финансиски се поддржуваат и овците од расата Праменка и домашната Балканска коза.
Со Програмата за поддршка на земјоделството и оваа година дополнителни субвенции од 2.000 денари ќе се добиваат за говедата од домашната расата Буша. Плус 550 денари ќе се добиваат и за овците од расата Праменка и козите од расата Балканска.
Сточарите годинава ќе добијат од државата вкупно милијарда и сто милиони денари за одгледување на добитокот. Најголем дел од парите се наменети за одржување на стадата и за продаденото млеко.