Украина веќе си го потврди местото во следната фаза од квалификациите за СП 2023, па во Скопје нема да биде во најсилниот состав. На вечерашниот дуел со нашата репрезентација, Украинците остануваат без двајца свои исклучително битни кошаркари.
Шансата за „сефте“ победа на кошаркарската репрезентација на Македонија во квалификациите за СП 2023 драстично се зголемија, откако нашиот вечерашен противник, селекцијата на Украина објави дека во Скопје доаѓа без двајцата најдобри.
Македонската кошаркарска репрезентација денеска од 18 часот во А1 арената на СЦ „Борис Трајковски“ во Скопје против Украина го игра последниот меч од квалификациите за Светското првенство.