И дежурните лекари ќе препишуваат фондовски лекови. На лекарите од дежурните служби, најверојатно, ќе им се врати правото да може да препишуваат лекови на товар на Фондот за здравствено осигурување. Ова вчера го најави министерот за здравство, Бујар Османи, како уште една мерка за надминување на хаосот во аптеките и ординациите на матичните лекари што се јави по строгата примена на институцијата ...
Министерот за здравство Бујар Османи в понеделник ќе побара од Фондот за здравствено осигурување да направи измена на правилник, со која ќе се дозволи дежурните лекари во Итна медицинска помош да издаваат рецепти за лекови од позитивната листа.
И дежурните лекари ќе даваат рецепти. И дежурните лекари од општите ноќни служби во целата земја ќе имаат право да препишуваат рецепти, најавуваат од Министерството за здравство. Министерот за здравство, Бујар Османи, вчера најави дека правилникот за препишување рецепти ќе се менува во наредната недела. Досега дежурните лекари издаваа рецепти само за лековите што се купуваат приватно.
Матичните лекари ќе можат да им пишуваат на хронични болни тримесечна терапија, за да не мора да одат секој месец по рецепт со кој можат да си ги набават потребните лекарства. Во моментов владее вистински хаос во аптеките и во ординациите, бидејќи директорот на Бирото за лекови наложи издавање на лекови само со рецепт.
Министерот Османи дури по еден месец проблеми најави воведување рецепт за хронично болни. Јасмина Јовановска. Министерот за здравство, Бујар Османи, конечно, се зафати да го реши хаосот што веќе еден месец трае во аптеките и ординациите на матичните лекари, откако Бирото за лекови побара строга примена на лекарскиот рецепт.
Хроничните болни нема да мора да одат на лекар по рецепт за секое кутивче од терапијата што редовно ја земаат со сино картонче. По нивното барање да добијат посебен рецепт што ќе важи три месеци, надлежните одговараат дека наскоро ќе се реши нивниот проблем.
Се почитува ли законот за неиздавање лекови без рецепт само во Скопје? Екипа на Алфа телевизија, во изминатите денови посети неколку аптеки во најблиските градови, Тетово и Куманово. За разлика од Куманово, каде лекови без рецепти успеавме да купиме само во една аптека, во Тетово – лекови без рецепт можат да се купат насекаде.