Двајца македонски државјани и еден Бугарин се уапсени во Германија, откако полицијата кај нив пронајде 12,5 килограми хероин. Тамошните медиуми пишуваат дека тројката била уапсена во ресторан во Минхен при препродажба на дрогата.
Софија Бугарската полиција синоќа заплени 65 килограми хероин на границата со Романија, јави денеска бугарското Национално радио. Дрогата била распоредена во 125 мали пакетчиња скриени во камион со бугарска регистрација што се движел кон Германија, пренесува истиот извор.
Скопје Полицијата заплени над девет килограми марихуана сокриени во патничко возило на регионалниот пат Дебар-Гостивар. Според соопштението од МВР дрогата била пронајдена при претрес на возило марка форд ескорт управувано од лицето Б.И.
АНАЛИЗА НА МВР Изминатите девет месеци од годината македонската полиција била поефикасна во откривање и спречување на нелегалната трговија со дрога за 53 проценти во споредба со истиот период лани, велат официјалните анализи на МВР.
Двајца македонски државјани биле уапсени во петокот во Загреб, осомничени дека продавале хероин, соопштија хрватските медиуми. Кај Македонците на возраст од 38 и 40 години, чиј идентитет не е соопштен, полицијата нашла два килограма хероин, чија вредност се проценува на околу 10.000 евра.