Хрватскиот министер за образование Драган Приморац, во врска со корупцискиот скандал на неколкуте загрепски факултети, најави дека на сите оние кои ги положиле испитите со помош на поткупување, оценките ќе им бидат поништени, а ако во меѓувреме дипломирале, ќе останат без дипломи.
Хрватската полиција во рамките на антикорупциската акција „Индекс“ вчера на универзитетот во Загреб привела 95 лица, од кои 21 универзитетски професор, тројца асистенти и четворица секретари, осомничени за земање поткуп. Другите уапсени се помагачи или посредници, јавија хрватските медиуми.
Голема антикорпуциска акција, под називот „Индекс“ започна изутрината на универзитетот во Загреб, јавија хрватските гласила.
Заедно да ја градиме иднината. Ова е мотото со кое Државниот универзитет во Тетово ги повикува сите млади луѓе, без разлика на етничката, верската, половата или расната припадност, да студираат и да се пронајдат себеси.
Инвестициите во конкретни проекти во образованието, отворањето нови факултети и универзитети, зголемената свест кај граѓаните дека без факултетско образование нема добро работно место, сето тоа придонесе да се зголеми бројот на младите луѓе што се запишуваат на факултет, оценуваат експертите.