„Порано беше послушен и секогаш можевме да се договориме. Но, сега се расправаме за сè. Зборот ‘мораш’ повеќе не функционира. Не знам што да правам…“ – ова се реченици што родителите често ги изговараат кога нивното дете ќе наполни 6 или 7 години.
Не секоја родителска битка треба да се добие. Според терапевтката за брак, семејство и игра Керол Ким , постојат ситуации во кои е подобро родителите да попуштат и да му дозволат на детето да биде во право. Така се гради самодоверба, чувство на сигурност и независност.
Децата се чувствуваат најприфатени, најмирни и најбезбедни во средини каде што правилата се јасни и непроменливи. Современите родители сè почесто се плашат да бидат строги, плашејќи се дека ќе го нарушат односот со детето.