Износот на дневниците, кои достигнуваат нешто над 10 евра, и нерешените барања од страна на Министерството за правда и Судскиот совет се причина за мирниот протест на судиите-поротници во Основниот кривичен суд Скопје, поради што ќе бидат одложени дел од судските расправи.
Претседателот на Судскиот совет, Александар Камбовски, изрази поддршка за барањата на судиите-поротници, оценувајќи дека надоместоците што ги добиваат се несоодветни на условите во кои работат и на обврските што ги извршуваат во правосудниот систем.
Судиите-поротници при Основниот кривичен суд Скопје од денеска започнуваат мирен протест, поради, како што наведуваат, долгогодишниот нерешен проблем со висината на дневниот надоместок и непостапувањето по нивните барања од страна на Министерството за правда и Судскиот совет.