„Не јадам мрсно, па како ми е висок холестеролот?“ – ова е едно од најчестите прашања кога лабораториските резултати ќе покажат покачен LDL холестерол. Логиката изгледа едноставно: ако јадеме помалку маснотии, би требало и холестеролот да биде низок.
Покачениот холестерол може да помине незабележано со години бидејќи обично не предизвикува јасни симптоми. Затоа фармацевтите предупредуваат дека е важно редовно да се проверуваат неговите вредности, особено кај луѓе кои имаат зголемен ризик од кардиоваскуларни заболувања.