МВР Министерството за внатрешни работи располага со информации дека деновиве поголема вооружена група влегла во земјава преку македонско-југословенската граница на делот со Косово. Групата се улогорила во реонот на селата Вејце и Вешала и таму изведувала обука.
Во текот на вчерашниот ден армиските структури ја известиле полицијата дека располагаат со информации за влез на вооружена група од територијата на СРЈ, во делот кон Косово, во Македонија преку Шар Планина, информираше портпаролот на МВР, Воислав Зафировски.