Две години власт на ВМРО-ДПМНЕ – дали се случија суштински промени или државата се врти во круг? Во најновата дебата во „Топ тема“, пратениците Бране Петрушевски и Јована Тренчевска се соочија во жесток дуел за учинокот на актуелната влада, реформската агенда и состојбата во правосудството.

Дискусијата отвори низа прашања за тоа дали собраниските дебати се само формалност, зошто се одбиваат амандмани на опозицијата и дали власта навистина ги почитува препораките на Европската комисија. Од економските показатели до „војната со бројки“ за просечната плата, невработеноста и задолжувањата, двајцата соговорници понудија дијаметрално спротивни толкувања на реалноста во Македонија.

Клучни моменти од дебатата:
* Судир за правосудството: Дали законите се носат транспарентно или се „корегираат“ во одод откако ќе стигнат забелешки од Брисел?
* Економска реалност: Дали Македонија е лидер во регионот според искористеноста на европските средства или се соочува со економски дебакл и зголемена сиромаштија?
* Политички жаргон: Зошто секоја влада се повикува на „наследени руини“ и до кога ќе трае циклусот на задолжување за отплата на стари долгови?
* Иселување и стандард: Дали статистиките за вработеност се реални или се само „сеење магла“ пред граѓаните кои секојдневно се соочуваат со повисоки цени?

Дали власта има капацитет да ги спроведе ветените реформи или опозицијата е во право кога зборува за „нулта резултати“? Погледнете ја целата дебата за да ги слушнете аргументите на двете страни и сами да процените кој ја зборува вистината за иднината на државата.