Проширувањето на булеварот „Борис Трајковски“ кон Драчево и новата сообраќајна врска меѓу улиците „Љубљанска“ и „Скупи“ во Карпош треба да бидат завршени до крајот на 2026 година, според едногодишниот отчет што го презентираше градоначалникот на Скопје, Орце Ѓорѓиевски.
Градоначалникот на Скопје, Орце Ѓорѓиевски, по повод една година од преземањето на функцијата, објави видео на Фејсбук во кое се осврна на сработеното во изминатиот период и проектите што биле реализирани во главниот град.
Забрзано работиме на булеварот „Македонија“. Тоа е првата подземна сообраќајница во Градот Скопје. Иако не го ветив во мојата програма: до крајот на мојот мандат Скопје ќе ја добие својата прва подземна сообраќајница.